Идејата за формирање на брендот Адомо произлегува од потребата за иновативни канали за вршење на промоција и продажба на квалитетни македонски производи кои се присутни, но не и доволно испромовирани на пазарот. Нашата цел преку брендот е со помош на специјални алатки за анализа и промоција, како и спојување на најдобрите македонски производи да го искористиме потенцијалот на нашите домашни производители и да креираме конкурентна понуда на регионалниот пазар.
![](https://adomo.mk/wp-content/uploads/2023/11/koi-sme-nie-adomo.jpg)
Нашата долгогодишна работа во маркетинг сферата ни овозможи да ја увидиме потребата за создавање на депо на сите производи од македонски производители кои се квалитетни, автентични и конкурентни, но од некои причини, се уште не се доволно испромовирани и познати на широкиот аудиториум на потенцијални консументи. Адомо како бренд замисливме да означува нешто наше, нешто домашно, нешто што потсетува на дом и на успешна приказна.
Преку соодветна презентација и добри канали за дистрибуција, нашата цел е да стекнеме доверба кај крајниот консумент дека она што ќе го добие е автентично македонско, најчесто рачно изработено, квалитетно и по фер-цена.
Доколку имате прашања пополнете ја оваа контакт форма и нашиот тим ќе ви одговори во најбрзо време